Dihtet go don dán siiddu birra?

Muhtomin jurddaša olmmoš ahte dan maid ieš diehtá, dan dihtet earát maid. Ja mun maid seammalágan. Lean ovdamearkka dihte atnán čielga áššin ahte olbmot leat gullan Sámi giellalávdegotti neahttasiiddu birra. Nu gusto ii oro leame. Muhto doppe gávdná maid ollu dieđuid sámegiela birra, maid berre diehtit. 

Ja mii vel buoret? Sin siiddus leat almmuhuvvon tearbmalisttut máŋgga fágasuorggis. Sánit leat dohkkehuvvon giellastivrras, dan mielde maid mun lean ipmirdan. Gánnáha fitnat geahččame.

Čujuhus lea ná: http://www.giella.org/. 
Imaštan dušše veahá, go lea neahttasiiddu čujuhus sámegillii; manne de rahpasa dárogiel-siidu álggos?

Easka doppe beassá válljet sámegiela.

Ii giellapoliti(hkk)a galgga leat álki.