Dá lea fas okta dan máŋgga máŋgga listtus maid lean gávdnan go lean burgime Interneahta. Na mun oainnat dál evttohan ahte mii burgit Interneahta dan sadjái go "surfet" doppe. Sáhtášii han gal dadjat ahte borjjastan Interneahtas, muhto go lea nissonolmmoš, de dieđusge sáhttá muhtomin diet nai ipmirduvvot earaládje go lei jurddašuvvon.
Jus dál leat eahpádusas maid mun oaivvildan, de sáhtán veahá čilget. Mu suopmana mielde oainnat sáhttá seammás go muitala ahte muhtin nisson manná juosat, maid muitalit ahte lea gassat. Na, muhto ruovttoluotta fas áššái.
Dáppe gávdnui maid sátnelistu. Čielga sátnelistu, ii das sáhte ohcat sániid, ii das sáhte njuikut sánis sátnái. Lea dušše listu. Muhto alfabehtalaččat dat gal lea. Mii lea, dahje lea leamaš, ulbmil dáinna listtuin, in dieđe.
Gii dieđášii?
In mon ge várra dieđe dan ulbmil. Kánske oassi muhtin oahpponeavvuin?
SvarSlettJuo, mun maid oidnen dat sátnelistu. Mu mielas dat listu lei ráhkadan juste danne vai olmmoš sáhttašii viežžat iežas dihtorii ja de printet. :)
SvarSlett